Mizoram Assembly Budget Session March ni 13 atanga tan tur atan vawiin thleng khan zawhna, Starred Questions 70 leh ziaka chhan chi, Unstarred Questions 2 a lut tawh

0
922
views

Mizoram Assembly Budget Session March ni 13 atanga tan tur atan vawiin thleng khan zawhna, Starred Questions 70 leh ziaka chhan chi, Unstarred Questions 2 a lut tawh a, Assembly Secretariat atanga ZONET thudawn danin hemi bak chu tun dinhmunah thildang lut a la awm lova, sorkar bill thenkhat a luh beisei a ni. Puan tawh angin Session tan ni-in House-ah Larsap, Lt. Gen. Nirbhay Sharma’n thu a sawi dawn a, hemi hnu ni 14-ah MLA hlui, January ni 28-a thi, Pu Lalchunga Chinzah sunna neih a ni ang a, hemi ni vek hian Larsap thusawi sawihona neih zui tum a ni. Kum 2018-2019 budget chu March ni 15-ah pharh a ni ang a, ni 2 chhung sawihona neih a nih hnuah ni 21 atangin Minister hrang hrangte hna chanpual enkawlna tura sum ruahman sawi tan a, session zawh ni tura ruat, March ni 29-ah a pumpuia pass tum a ni ang.