Mizoram Assembly inthlanna atana vote thlak ni ni 10 lekin a dang ta a, khaw tinah inthlan boruakin mipuite a chiah hneh ta hle.

0
239
views

Chief Minister, Pu Lal Thanhawla chuan vawiin chawhnu khan Serchhip Bazarah campaign inkhawm huaihawtin a kaihhruai sorkar hmachhawp chhunzawm theih nan mipuite chu amah thlangtling leh turin a ngen. Pu Lal Thanhawla chuan Mizoram hmasawnna tura rahbi lian leh pawimawh siam tawh zawng zawng chu Congress sorkar laia siam vek niin a sawi a, remna leh muanna boruak \ha hnuaia Mizoramin chak zawka hma a sawn theih nan Congress a sorkar nawn leh a ngai niin a sawi.

He campaign-a thusawitu dang Social Welfare Minister Pu PC Lalthanliana chuan campaign tirh lama MNF Party thawm ring chu tunah chuan a tla hniam leh tawh nia sawiin, Congress party boruak hmun tinah a \ha chho zel niin a sawi a, Chief Minister, Pu Lal Thanhawla dinna bial pakhat Champhai South bial chu MLA atana Pu Lal Thanhawla thlantlin a nih hmasak berna a ni tih sawiin, he bialah hian an party boruak a \ha hle niin a sawi a ni. Pu PC Lalthanliana chuan MNF President, Pu Zoramthanga chu a dinna bialah a tling zo dawn lo niin a sawi a, an party Vice President ni \hin Pu R. Lalzirliana leh General Secretary, Pu Lalrinliana Sailo ten an party an chhuahsan hnuah Congress party chuan phur tharna a nei niin a sawi a ni. Pu PC Lalthanliana chuan ZPM Chief Minister candidate Pu Lalduhoma chu \um khat mah Chief Minister la ni lo a ni chunga Super Chief Minister ni tur inti ngam nia sawiin, hei hi a rintlak loh zia tarlangtu niin a sawi bawk. He Campaign inkhawma thusawitu dang Pu PC Zoramsangliana MLA chuan Congress party chu ram leh mipuite tana a theihna zawng zawng hmanga hnathawk \hin niin a sawi a, kum 20 chhung Mizoram a buai hnuah mipuiten remna leh muanna boruak \ha an neih leh theih nan Congress chu a inhlan niin a sawi a, remna thlen tir tura kawng dang a awm loh avangin MNF hruaitu Pu Laldenga tan Pu Lal Thanhawla chuan Chief Minister lal\hu\hleng a kian tih a sawi bawk. Serchhip bial chhunga khaw hrang hrang tlawha campaign mek Pu Lal Thanhawla hian nimin tlai khan Thenzawl a tlawh a, Field Venga an party campaign office-ah thusawiin party mite chu Congress-in sorkar a siam leh theihna tura ngawrh taka \an la turin a fuih a, an party zawm thar mi engemawzat a lawmlut nghal a ni.