Mizoram Assembly inthlanna hunreilote hnuah neih tur chungchangah vawiin khan Chief Electoral Officer, Pu SB Shashank chuan Political Party hrang hrang aiawhte ATI Training Hall-ah a kawm.

0
283
views

 

He inkawmhona hi Deputy CEO Pu H. Lianzela’n a kaihruai a, hetah hian CEO chuan inthlanna neih tur atana inbuatsaih dan leh Election Commission-in inkaihhruaina dan a siamte a hrilhfiah a, inthlanna dik leh felfai tak neih theihna turin Party hrang hrang aiawhte chu thawhpuiah a sawm a, inbuatsaihna atan Media Certification & Monitoring Committee pawh Mizoram pum huap leh district zawng zawngah din a nih dawn thu te, candidate pakhat sum hman theih zat cheng nuai 20 a nih dawn thu te leh inthlanna puan a nih veleh Model Code of Conduct hman nghal a nih dawn thu te a sawi bawk a ni.