He thu hi Zoramthar President, Pu Zaichhawna Hlawndo chuan vawiin khan a puang a ni. Candidate puan paha thusawiin Pu Zaichhawna Hlawndo chuan Zoramthar Pawl chuan thliarkar politics an buaipui ve lova, ram leh hnam damna leh Lalpan a pek tur Mizoram chhanchhuahna chu an buaipui niin an sawi a, Mizoram hi India sorkar hnuaiah kum 70 a awm tawh a, Mizoten nihna dik tak hriat chhuah nan leh mahni kut leh kea a din theih nan Mizoram hi Lalpan a buatsaih mek niin a sawi a ni.
Nimin khan Zoramthar chuan Aizawl North I biala an candidate atan Lalruatfeli Hlawndo a puang bawk a, candidate puangtu Zoramthar Pawl President, Rev. Dr. Zaichhawna Hlawndo chuan Lalruatfeli Hlawndo hian England-a Admission Officer leh a hnathawhna kalsanin Zoramthar tan independent candidate-in Lalpa tan ding turin a inpe a, nikum June thla khan England a\angin a lo haw niin a sawi a ni.
