Mizoram Assembly inthlanna November ni 28-a neih tur atana inbuatsaih dan a hmuna enfiah turin Chief Election Commissioner, Pu OP Rawat leh mi pawimawh dang 6-ten naktukah Aizawl an lo thleng dawn. An zingah hian Election Commissioner pahnih, Pu Sunil Arora leh Pu Ashok Lavasa te pawh an tel dawn a ni.

0
417
views

 

Heng mite hian an tih tur an tih zawh hnuah naktip, Nilainiah Aizawl chhuahsanin New Delhi lam an pan leh dawn a ni. Chief Election Commissioner leh a hote hian naktuk dar 2:30 a\angin Aizawl Club-ah Political Party hrang hrang hruaitute kawmin inthlanna dik, felfai leh muanawm buatsaih dan tur an sawipui ang a, hemi hnu tlai dar 5:30-ah District hrang hrang Bawrhsap, District Election Officer ni bawk leh District SP ten anmahni District \heuha inthlanna buatsaih dan tura ruahmanna siamte an sawifiah dawn a ni. Election Commission hotute lo lawm nan Chief Electoral Officer chuan naktuk zanah Aizawl Club-ah Cultural Programme leh zanriah a buatsaihsak dawn a ni. Election Commission-a mi pawimawhte hian naktip, Nilaini chawhma dar 9:30 a\angin Income Tax, Excise & Narcotics Deptt. hotute leh Bank hotute Aizawl Club-ah bawk meeting an neihpui leh ang a, hemi hnu hian Chief Secretary, Pu Arvind Ray, Principal Secretary Home, Pu Lalnunmawia Chuaungo, DGP, Pu Balaji Srivastava leh Senior Officer pawimawh dangte nen inthlanna neih tur kaihhnawiha thil pawimawh sawiho turte sawihovin ruahmanna an siam dawn a ni. Chief Election Commissioner hian Aizawl a chhuahsan hma-in Nilaini chhun dar 11:45-ah Aizawl Club-ah bawk thuthar thehdarhtute a kawm dawn anga, hemi hnu hian New Delhi lam panin an haw leh dawn a ni.