Zonet zawhna chhangin Nomination Committee Secretary Pu KS Thanga chuan an Candidate turte hi puan theiha peih fel \ep niin a sawi a, tun thla ni 11-a Congress Candidate tur puan a nih khan heng bial 4-ding turte hi puan a ni ve lo a ni.
MNF Party pawhin an Candidate tur la puan lohna, Tuichawng bial-a an Candidate tur chu an la thlang fel lo niin an sawia, an Party hruaitute hnen a\ang Zonet thu dawn danin tuna Zoram chhim lama zin mek an Party Nomination Committee Chairman Pu Zoramthanga lo haw hunah an ngaihtuah dawn a ni. MNF Party hian bial 39-a an Candidate turte hming tunthla ni 22 khan an lo puang tawh a ni.
ZPM pawhin Candidate an la dah lohna, Mizoram chhim lama Assembly bial 5 a an Candidate turte an ngaihtuah mek a, Zawhna chhangin ZPM hruaitute chuan heng bial 5, Tuichawng, Lawngtlai West, Lawngtlai East, Siaha leh Palak biala an Candidate turte thlan chu Southern Command kutah dah a ni a, Southern Command hi tunhma lama Minister hlui, Lunglei mi, Pu Lalrinzuala kaihhruaina hnuaiah dah a nia, tunah hian Candidate tur zawn hna an thawk mek a ni.
Hetih lai hian BJP chuan bial 40 zinga bial 13 a an Candidate turte an puang tawh a, bial dang 27 a an candidate tur te chu tunah hian thlan mek an nia, Zonet zawhna changin BJP Mizoram Pradesh President Prof. JV Hluna chuan candidate tur thlangin tunthla ni 23, thawhlehni khan Central lama an hruaitu, BJP Secretary Organization changtu, Pu Ajay Jamwal leh hmarchhak bial election in-charge, Assam Finance Minister ni bawk, Pu Himanta Biswas Sharma te chuan Candidate nih tumte chu Aizawla Hotel Regency-ah interview neih puiin an thlang a, tunah hian an file chu New Delhi-ah a la awma, an tih fel veleh puan a ni dan niin a sawi.
