Mizoram Assembly inthlanna tun thla ni 28-a neih tur atana hming pek luh theihna hun hnuhnung ber chu vawiin tlai dar 3 khan a ral ta. Party hrang hrang candidate chuh tuma hming pe lut te hi vawiin tlai thleng khan hriat kim theih a la ni lova, Chief Electoral Officer Office-ah zanin dar 8 velah dawn kim theih a nih beisei a ni.

0
300
views

 

Vawiin tlai dar 5 thleng khan he inthlannaa chuh tuma hming pe lut zat Chief Electoral Officer Office-in a dawn tawh zat chu 185 a tling tawh a, chungte chu bial 3 awmna Kolasib atan 16, bial 3 dang awmna Mamit atan 18, bial 14 awmna Aizawl atan 59, bial 5 awmna Champhai District-ah 26, bial 3 awmna Serchhipah 16, bial 7 awmna Lungleiah 29, bial 3 awmna Lawngtlaiah 13 leh bial 2 awmna Siaha District-ah 8 a ni.

Hming pek luhna lehkha te hi tun thla ni 12, karleh Thawh\anni-ah endik a ni ang a, inhnukdawk leh duhte tan tun thla ni 14 thleng hun pek a ni ang. Vote thlak ni tura ruat November ni 28-ah chuan zing dar 7 a\anga tlai dar 4 thleng vote thlak a ni ang a, vote tla te chu December ni 11-ah chhiar a ni ang a, inthlanna hi a pumpuiin December ni 13-a zawhfel hman tura ruahman a ni a, tuna sorkar dinglai term hi December ni 15-a tawp tur a ni.