Mizoram Assembly inthlanpui November ni 28-a neih tura Tripura Bru Relief Camp 6-a awm vote neiten an Camp chhung ngeia vote an thlak theih nan ruahmanna siam leh turin Mizoram Bru Displaced People Forum in Election Commission a ngen.

Hemi chungchanga an lehkha ziah hi tun thla ni 25, Ningani kalta khan Speed Post on Chief Election Commissioner of India hnenah an thawn a, a Copy chu Home Ministry a Adviser, (Bru) Pu Mahesh Kumar Singla hnenah an pe a, Chief Election Commissioner hnen a thawn thleng turin an ngen nghal a ni. An lehkhaah chuan Mizorama an vote neihna Polling Station-a vote thlak tura kal chu hmeichhiate tan leh tar chaklo tan a harsat thute, vote thlak tura Mizorama kal chu a him tawklo a an hriat thute an ziak tekak, ram khualehtui dik tak, Electoral a hming la chuanglo te thun tur leh hming paih tawhte thun leh turin an ngen bawk a ni.