Mizoram Baptist Kohhran Rorelna sang ber, Assembly chu nizan a\ang khan Lunglei Venglai BCM Biak Inah \an a ni a, BCM Assembly vawi 123-na hi BCM President, Rev. Lalbiaksanga Chinzahin kaihruaiin a hawng a, nizan thlenga rorel palai inziak lut tawh chu 1,040 an tling a ni.

0
463
views

He inkhawmah hian BCM General Secretary, Rev. F. Ramdinmawia’n pawn lam a\anga inkhawmpui chhimtu palai kal mi 15 te lawmna thu sawiin thilpek a hlan nghal a ni. Assembly thupui atan hian ‘Isua rorelna’ tih hman a ni a, he thupui tlawh chhan hian Rev. Dr. Rodinmawia Ralte-in Pathian thuchah a sawi a, Thenzawl Bial leh Chawngte Bial zaipawl bakah Lawngtlai Area Baptist Choir te an zai bawk a ni. Vawiin a\ang khan rorel \an a ni a, rorel \an veleh President kal chhuak ta Rev Lalbiaksanga Chinjah chuan President thar Rev. PC Liandula hnenah mawhphurhna a hlan a, thil pawimawh ngaihtuaha thutlukna siam tak zingah chuan BCM hian Mizoram Institute of Medical Education & Research (MIMER) behchhanin Falkawnah Khualbuk sa rawh se tih te, Kristian te hunpui Krismas leh Good Friday bawh buai thei zawnga sorkar programme siam lo turin sorkar laipui ngen ni rawh se tih te, Inkhawmpui lian dawl thei tur Hall BCM-in sa rawh se tih te, Sap Upa leh Pu Buanga ten Mizoram leilung an rawn rahna hmasa ber Sairang kaiah BCM Assembly-in anmahni hriatrengna siam ve rawh se tih te, Chanchin \ha thlen dan Documentary Film \ha tak BCM-in siam rawh se tih te, BCM chhungkuaten ei leh bar leh sum leh pai lama hma an sawn theih nan BCM-in Economic Development Policy siam se, chumi bawhzui chuan Pastor Bial tinah chak takin hmalak ni se, BCM Assembly hian BCM chhungkua, fa nei tamte hnenah lawmman pawisa fai pe rawh se tih te a tel a ni. Zanin Pathian biak inkhawmah Rev. TC. Zodinsanga’n Pathian thuchah a sawi anga, rorelna hi naktuk, Zirtawpni leh naktip, Inrinniah te chhunzawm a ni ang.