An ban thu hi vawiin khan Aizawl Press Club-ah thuthar thehdarhtute hmaah an puang a, Dampa bial a BJP zawng zawng pawhin an chhuahsan nghal bawk niin an sawi. BJP atanga banna thehluttu zinga mi BJP Media Chairman hlui Pu Lalrozara chuan, BJP a awm chu beidawnthlak an tih thu a sawi a, Prime Minister Modi a hmalakna hnuaiah Mizoramah sorakar \ha zawk a awm theih beiseiin BJP chu an zawm niin a sawi a, BJP in ram an kaihhruai dan an zirchian zel hnuah mipui rorelna kalphung pelin, mimal thuneihna a lian zel niin a sawi. Pu Lalrozara chuan, Central BJP leh Mizoram BJP hotuten Mizoram hnam leh mipui aiawh atana Mizoram neitu indegeneous hnam ni lo Candidate atan an dah chu na an tih thu an sawi a, hei hian Central leh Mizoram BJP hotute rilru a hailang chiang hle a an ngaih thu a sawi.
BJP chhuahsantute chuan Aizawl West I bye election neih tura BJP in Candidate an neih loh chhan chu nikum Assembly inthlan neih zawh takah khan Central a\anga BJP Candidate-te puihna sum lo kal chu tihchingpen a awm vang niin an sawi bawk. Zawhna chhangin party dang zawm tur an la neih loh thu leh an sawiho leh phawt tur thu an sawi.
