Mizoram Board of School Education-in vawina pawl 12 reuslt a tih chhuahah a exam beitu zirlai za zela 78.94 an pass.

0
528
views

Arts stream-ah C.Lalvenhimi, C.Chawnghmingthanga fanu, Rev. Saiaithanga Memorial Higher Secondary School Aizawl pakhatna a ni a, Science stream-ah Lalrintluanga Tlau, Vanlalhriata fapa leh Akash Jyoti Sahoo, Uttam Kumar Sahoo fapa, St.Paul’s Higher Secondary School, Aizawl ve ve te pakhatna an ni a, Commerce-ah C.Lalnunhlimi, C.Vanlalmuana fanu Oikos higher secondary School, Aizawl chu pakhatna a ni bawk.

(Byte: 1. C Lalvenhimi Arts topper

  1. Lalrintluanga Tlau Science Topper
  2. Akash Jyoti Sahoo Science Topper
  3. C Lalnunhlimi Commerce topper)

MBSE hian chawhma dar 11:30 khan result hi a ti chhuak a, Zirlai exam beitu 10616 zinga 8380 an pass a, distinction-ah 567 pass-in, first division-ah 2800, second division-ah 3289 leh third division-ah 1724 an pass a, subject-ba, compartmental chance nei 206 an awm a, pass zo lo zirlai 2030 an awm a ni.

MBSE Chairman Pu F.Lianhmingthanga chuan kumin hian nikum nena khaikhinin kumin hian pass percentage .2 in a hniam zawk tih a sawi a, hei hi nikum aia zirlai exam zat an tlem deuh vang nia a lan thu sawiin, exam result thlirin quality education a awm \an nia a hriat thu a sawi.

Zirlai zawng zawng pass kim vekna school Arts stream-ah 37 leh Science leh Commerce ah pathum ve ve an awm a, pass awm lohna school pathum a awm a, chungte chu exam beitu pakhat chauh awmna Chanmari Higher Secondary Aizawl, zirlai pahnih awmna George Higher secondary school Nghalimlui leh zirlai pathum awmna PC Higher Secondary School Chawngte te an ni.