Mizoram Bru Displaced People Forum hruaituten an harsatna tawh sorkar laipui hriattirna memorandum Prime Minister leh Union Home Minister, Pu Raj Nath Singh-a hnen an thawn

0
587
views

Mizoram Bru Displaced People Forum hruaitute chuan an President, Pu A. Sawibunga hovin vawiin khan an harsatna tawh sorkar laipui hriattirna memorandum Prime Minister leh Union Home Minister, Pu Raj Nath Singh-a hnen an thawn. An memorandum hi North Tripura District Hqrs. Dharmanagar-ah kalin District Collector, Pu Sara Bhindu Chaudhury hnenah a thawn chhawn turin an hlan a ni. An memorandum-ah hian anmahni tanpuina tangkafaia pek thin cash dole puitling tan ni khatah Rs.5 leh naupang tan Rs.2.50 nikum July thla atanga an dawn tawh loh thu te, Bru relief camp hrang hrangah buhfai sem dan a mumal loh thu leh a chang chuan an quota a kim lova pek an nih thu te a tel a, Tripura sorkar chu Bru relief camp hrang hranga mihring awmte leh inneih avanga mihring pung chho te enfiaha chhinchhiah tir tura an ngenna te, relief camp hrang hranga kum 18 tling chin te electoral roll-a thun vek an nih theihna tura hmala tura ngenna te a tel a ni. Hemi bakah hian Mizorama thawn let leh tur Bru refugee chhungtin hnenah eizawnna atan ram acre 5 pe theuh tura an ngenna te, anmahni dahna hmunah chhungkaw 500 aia tlem lo zela dah an phut thu te, anmahni chhawmdawlna sum Rs.80,000/- pek thin chu Rs.1,00,000/- a tihpun te an ngen bawk.