Mizoram Building and Others Constructions Worker Welfare Board hnuaia thawktu mi 36 ban an nihna chu Welfare Board hnathawhah harsatna an tawh phah lo

0
1152
views

Labour, Employment, Skill Development and Entrepreneurship Department hotuten tun hnaia Mizoram Building and Others Constructions Worker Welfare Board hnuaia thawktu mi 36 ban an nihna chu Welfare Board hnathawhah harsatna an tawh phah lo niin Zonet an hrilh a. MBOCWWB chu din a nih a\angin inkaihhruai dan zawm mumal lova enkawl a nih avangin dan pela thil tih a awm nual a, hmarchhak bial leh state dangah chuan Welfare Board hnuaiah hian hna thawktu MR-a mi 2/3 an chhawr tih loh chu Labour Department-a hnathawktu awm sain an enkawl deuh vek a, Mizoramah chuan dan tlawhchhan awm mumal lovin hnathawktu lak an ni a, mi 36 lai hnathawktu an awm hman niin an sawi. Kolkata NIAS-a zirlai 32 tirh an nih chungchanga thil dik lo hai chhuah chu MBOCWWB hnathawk mi 36 ban an nih chhan a ni em tih zawhna chhangin Labour Department hotute chuan, hei hi hnathawktu ban an nih chhan tak chu ni lo mah se, he thil lo irh chhuah a\anga an kalphung zir chiannaa thil dik lo tam tak hmuh leh, a nih tur ang ni lova thil tam tak tih a nih dan hriat a nih a\ang te leh hnathawktute chu dan tlawhchhan awm mumal lova lak an nih avanga ban an nih thu te, hnathawktu \henkhat chauh ban an nih chuan an inthik theih dawn avangin an zavaia ban an nih tak thu an sawi a. Welfare Board enkawl tur hian Deputy Labour Commissioner hovin Labour Officer, Office Assistant, LDC leh Computer Operator pakhat \heuh leh 4th Grade 2 ruat lailawk an ni a. Department-in a enkawl hnuah harsatna an tawk lo mai ni lovin, tun hma zawng aiin Welfare Board sum hmuh chu a tam phah zawk niin an sawi. Labour Department hotute chuan, Welfare Boarcd chu hnathawktu awm mumal lova enkawl reng theih a nih loh avangin tun hma deuha Welfare Board-in hnathawktu 11 lak a lo rel tawh chu tihhlawhtling tura sorkar dil tum mek a nih thu leh dan ang chuan Welfare Board sum hmuh a\anga za 5 bak, inrelbawlna atan hman theih a nih loh avangin chak taka bawhzui a harsat thu an sawi bawk.

Mizoram Building and Others Constructions Worker Welfare Board hian kum 2012-17 chhung khan an member 17,281 hnenah \anpui cheng vbc. 5 leh nuai 76 chuang a pek tawh a. MBOCWWB atan hian Cess Fund, cheng vbc. 60 leh nuai 74 chuang a hmu tawh a, sorkar kum kal mek 2017-18 chhungin MBOCWWB-ah hin member 1,892 an inziak lut a ni.