State Level Workshop and Sensitization on Voter Awareness Forum, VVIP & SVEEP tia vuah zirhona, Aizawla neihah hian Mizoram chhung hmun hrang hrang atangin Voter Awareness Forum Nodal Officer te an tel a. Chief Electoral Officer Pu Ashish Kundra chuan Election Commission of India in dan leh ruahmanna thar engemaw zat a siamte hriat bel a ngai a ni a ti a. Voters Awareness Forum chu Sorkar Department hrang hrang bakah NGO leh Corporates ah te pawh din tur a ni a, he Forum kaltlang hian inthlanna-a vote thlak a pawimawhzia leh inthlan kaihhnawih thil pawimawhte inzirtir tur a ni a ti.
CEO chuan Nomination hnuhlet theih ni hnuhnung ber, tun thla ni 28 thleng Electoral Roll a inthun duh tan dil theih anih thu sawiin, anmahni bialtu BLO kaltlanga a tih theih bakah Voter Helpline Android mobile application kaltlangin a tih theih tih a sawi a, He mobile application hi Google Playstore a\ang download theih a nih thu a sawi.
