Mizoram Chief Electoral Officer, Pu Ashish Kundra-a’n kumina Mizoramin Lok Sabha inthlanpui a hmachhawn turah Tripura-a awm Bru-te chu Kanhmunah vote thlak tir an nih a rin thu a sawi.

0
205
views

Final Electoral Roll vawiina tlangzarh tak puala thuthar lakhawmtute a kawmnaah Press mite zawhna chhangin he thu hi a sawi a, Lok Sabha inthlanpui neih hun tur leh Bru-te vote thlakna hmun turah hian ECI a\angin thuchhuak engmah la awm lo mah se, nikuma Mizoram Assembly inthlanpui neih \uma Bru-te tana Kanhmuna vote thlakna siam a nih ang khan kumina Lok Sabha inthlanpui neih turah pawh ruahmanna siam a nih a rin thu a sawi a ni.

Pu Ashish Kundra chuan, ECI thupek angin Mizoramah Polling Station thar 11 siam belh a ni tih a sawi a, chungte chu Kolasib Distrct-ah Polling station thar 1, Aizawl District-ah 3, Lungleiah 3, Lawngtlai District-ah 4 a ni tih a sawi. CEO chuan, vawiinah Final Electoral Roll tlangzarh ni mah se, Roll-a inthun thar dil duhte tan Lok Sabha inthlanpui neih hun a chuh tumte tana inhnuhdawh theih hun tawp thleng hun hawn a la ni reng dawn tih sawiin, Roll ennawn a nih chhunga inthun hman lote tan inthun theih ala ni reng tih a sawi.

Tripura-a awm mek Bru zingah vote nei thar engzat nge awm tih zawhna chhangin, Pu Ashish Kundra chuan, Electoral Roll ennawn zawh takah hian Tripura-a awm mek Bru-te pawh inthun dilna form pek vek an nih thu a sawi a. Hetihrual hian hma an lak tlai deuh hlek avangin Roll ennawn hi zawh hman a ni lova, Bru zingah vote nei thar engzat nge awm tih hriat theih a la ni lo tih sawiin, engemawzat chu an awm rin a ni, a ti.