Vawiina thuthar lakhawmtu \henkhatin a pisa-a an kawmnaah CEO chuan, tun dinhmunah chuan Bru-te chungchangah Election Commission of India a\angin thil tharlam a awm rih lova, hetihrual hian tun hnaia Bru-te tana Electoral Roll Revision neihna lehkha pawimawh a bo hnuah form thar siamin Electoral Roll ennawnna hi tih \hat leh a ni a, harsatna dang awm lova peih theih beisei a ni a, State puma Electoral Roll ennawn pawh peihfel tawh niin naktukah tihchhuah tum a ni tih a sawi. Pu SB Shashank chuan Mizorama Election Department chu ECI thuhnuaia awm a nih angin an nin tih tur an tih leh thupek an siamte \ha taka tihhlawhtlin chu an mawhphurhna a ni tih a sawi a, tun hnaia Social Media-a Mizoram Assembly inthlanpui neih hun atana ECI-in December ni 15 a ruat nia thu thehdarh chu thudik lo nia sawiin, hei hi tuna Mizoram sorkar term dinglai tawp hun tur a ni tih a sawi a, tunah hian engtiklai pawha inthlan buatsaih thei turin nitin chhun leh zan zawmin hna an thawk nia sawiin, ECI-in engtik hunah pawh inthlan puang mah se, an inpeih reng tawh niin a sawi.
Zawhna chhangin Chief Electoral Officer chuan, Mizoram Assembly inthlanpui neih turah hian vote thlakna tur hmun \henkhat chu venhim ngai zual, sensitive polling area-a puan a nih tur thu leh hetihrual hian tun hnaiah Mizoram sorkar leh HPC(D) hel pawlten inremna an siam tak avangin tun hmaa sensitive polling area ang zat ni lovin hmun tlemteah chauh hetiang hmun hi a awm dawn niin a sawi a, inthlanna neih tur atana inbuatsaihna chu ECI lamin uluk takin an rawn vil a, an hmalak dante Video Conference hmanga an rawn endik \hin thu leh tunah hian inbuatsaihna chu peihfel thawkhat a nih tawh thu CEO chuan a sawi a ni.
