Mizoram Chief Secretary, Pu Lalnunmawia Chuaungo in District Disaster Management Authority te chu mi rethei, chhuanchhamte leh inkharkhip avanga tangkhang, mi ram atanga lo lut inhlawhfate tan riahbuk leh ei leh in tur ruahman sak turin a hriattir.

0
28
views

Chief Secretary hian sorkar laipui thupek siam bawhzuiin Village Level Task Force-ten harsatna an tawk a nih a, sawrkarin tih tur a bituk te, hlenchhuak hlei thei lo dinhmunah an lo ding a nih chuan District tin-a DC, District Disaster Management Authority te chuan volunteer tura inziak lutte an chhawr \angkai thei ang tih a sawi.

Mi ram atanga lo kal, mahni state leh mahni khuaa haw tuma chhuak an awm chuan an awmna a\anga hnai ber sorkar buatsaih quarantine facility-ah dahlut turin District tina DC, District Disaster Management Authority te hriattir an ni a, uluk taka endik an nih hnuah ni 14 tal an awmtir tur a ni a ti.

Industry emaw, sumdawnna hmunpui emaw, dawr emaw khar a nih chhungin a neituten an hnuaia hnathawk an chhawrlai te hnenah, a hun bi pangngaiah, hlawh a bi kimin an pe tur a ni tih thupekah hian tarlan a ni bawk a. State dang atanga inhlawhfaa lo lut (migrant worker) te tiamin heng inhlawhfaa nitin eichawp zawng thinte hi mi inluaha an cheng a nih a, inluah man pek tur an nei lo a nih chuan, in neituten thla khat chhung inluah man an thing tur a ni lo a. In neituten inhlawhfa te leh zirlaite an hnawtchhuak a nih chuan Dan hnuaiah hrem theih an ni tih sorkar thupekah hian tarlan a ni.

Thupek hi District tina DC leh SP te chu kengkawh tura hriattir an ni.