Mizoram Civil Pensioners Association, Ramhlun North Branch-in mi pasarih chawimawi

0
839
views

Mizoram Civil Pensioners Association, Ramhlun North Branch-in vawiin khan an venga mi chhuanawm thlan chhuah pasarih chawimawina inkhawm, Ramhlun Indoor Stadium Conference Hall-ah an buatsaih a, hetah hian an veng mi, IAS officer, Pu Lalbiaktluanga Khiangte, MPS officer, Pu C. Lalzahngoa, JNU-a Professor, Joy Lalkrospari Pachuau, Cardiologist, Dr. Loncy V. Lalzarliana, Pilot, Capt. Michael Lallawmzuala, MCS officer, Pi Lalhlimpuii Ralte leh sipai officer, Capt. Babie Lalduhsangi-te an chawimawi a ni. He chawimawina inkhawm hi Ramhlun North Branch MCPA President, Pu K. Lalthansanga’n a kaihruai a, Secretary, Pu Lalchhawnsanga report a\anga a lan danin, Ramhlun North Branch MCPA hi kum 1999 June ni 9 khan din a ni a, tunah hian member 266 an nei a. An venga mi hlawhtling leh chhuanawmte hi chawimawi phu nia an hriat b^kah, tuna zirlai leh \halaiten an entawn theih nan he inkhawm hi an buatsaih niin a sawi. He chawimawina inkhawmah hian Ramhlun North veng chhunga zirna in hrang hranga zirlai leh zirtirtute pawh an tel a, mi 7 hi an chanchin tawi sawi a nih b^kah, chawimawina thuziak hlan an ni. He inkhawmah hian ZONET hotu, Pu R. K. Lianzuala’n thusawiin, zirlaite chu heng an veng mi chhuanawmte khûm thei tur khawpa \an la turin a chah a, tuna nawmsak nghal tum lo tur leh, nakina an nawmsak theih zawk nan tunah \hahnemngaih nachang hre turin a fuih a ni. He chawimawina inkhawmah hian bialtu MLA, Pu Lalthanliana, Councillor, Pu K. Romawia leh khawtlang hruaitute an tel a, chawimawite zinga mi, 5th IR Battalion Commandant, Pu C. Lalzahngo-a’n thu a sawi bawk.