Mizoram College Teachers Association Annual General Conference vawi 40-na chu vawiin khan Govt. Saitual College Auditorium-ah neih a ni a, hetah hian Govt. Saitual College Principal, Dr. Lalsiamhnuna chuan zirtirtute chu an hna Pathian rawngbawlna a ni tih hriaa, \ha taka thawk tur leh an hnathawhna apiangah lungrualna leh thawhhona \ha neih tum turin a fuih a ni.

He Conference-ah hian an pawl President, Dr. PL Ramliana’n palaite lawmna thu a sawi a, General Secretary, Pu Samual J Laltlanzauva’n an pawl hmalakna a tarlang bawk. He inkhawmah hian Conference hmasa leh tun Conference inkara an pawl member thi mi 3 te sunna neih a ni. MCTA chhinchhiah danin tun dinhmunah Mizorama College hrang hrangah zirtirtu 625 an awma, an zinga 186 chu Asst. Professor an ni a, Associate Prof. 421 an awm bawk a, Professor tling tawh mi 18 an awm bawk.