Mizoram Consumer Union chuan Telecom Regulatory Authority of India (TRAI)-in Cable TV lak man a bithliah thar, tuna Mizorama hman \an tawh chungchang thlirletin Cable TV Operator te chu a dik thei ang bera thil ti turin a ngen.

0
271
views

Hemi chungchang hi MCU Executive Committee an Vice President, Pu Lianlula Sailo kaihhruaia vawiina Aizawla neihah sawiho a ni a, Hemi hnua MCU President, Prof. Chawngsailova hnen a\anga Zonet thudawn danin TRAI-in Cable TV lak man thar a siam dan hi mipuiten an la hriatchian loh em avangin Consumer Union chuan he fee lak dan thar hi mipuite hrilhfiah nan beihpui a thlak a, Consumer ten chiang taka an hriat theih thlengin he beihpuithlak hi chhunzawm zel a tum a, sorkar laipuiin ruahmanna a siam anga Basic service tier-in a ken tel man chawi ngai lova hmuh theih channel 100 bakah chhiah za zela 18 chu Cable TV connection latuten an chawi a ngai a, chumi bakah man chawia en tur chi pay channel chu TRAI-in rate a siam angin an duh duh an la thei ang a, hetah pawh hian chhiah pek tel a ngai tho a ni tih an tarlang a ni. MCU Executive Committee meeting-ah hian tun thla ni 15-a Consumer Right Day hman tur chungchang pawh sawiho a ni a, kumina thupui atan ‘thilsiam chhuah \ha leh rintlak’ tih hman a ni ang. Aizawla he ni hmanna inkhawmah Food, Civil Supplies & Consumer Affairs Minister, Pu K. Lalrinliana chu khuallian atan sawm ni se, consumer ten an nihna leh chanvo dik taka an hriat theih nan huam zau taka inzirtirna hemi ni hian neih tum a ni dawn a ni.