Mizoram Consumer Union leh Food, Civil Supplies & Consumer Affairs Deptt. bul tumin vawiin khan World Consumer’s Day Agriculture Deptt. Conference Hall-ah hman a ni.

0
524
views

Kumina World Consumers Day thupui atan hian thil siam chhuah \ha leh rintlak ‘Trusted Smart Product’ tih hman a ni a, he ni hmannaa khuallian, Food, Civil Supplies & Consumer Affairs Secretary, Pu HL Rochungnunga chuan tun dinhmuna Mizo mipuite mamawh ber chu sumdawngtute nekchepna leh nawrna kara an dikna leh chanvo danin a humhalh dan hriaa an chan tur dik tak chang tura consumer te tih harh chhuah a ni a ti a, sorkar laipuiin Consumer Welfare Fund atana Mizoram sorkar sum a pek cheng vbc 2 chu Finance Deptt.-in a la pek chhuah loh thu leh chu chu pek chhuah a nih theihna tura Food, Civil, Supplies & Consumer Affairs Deptt.in hma a lak dawn thu te, sorkar ruahmanna siam anga Mizorama District Forum pariat te mamawh phuhrukna tura cheng nuai 10 \heuh pek tumna pawh tihlawhtling tura hmalak mek niin a sawi a ni.

World Consumer’s Day hmannaah hian Mizoram Consumer Union President, Prof. Chawngsailova chuan Consumer Protection Act, 1986 sorkar laipuiin a siam ang taka mipuiten an dikna leh chanvo an hmuh theihna tura mipuite an \anrual theih nan anmahni humhalhna dan mipuiten an hriata, an hman thiam a pawimawh a ni a ti a, MRP aia sang lova thil lei, taxi rate, sa rate, buhfai buk dik, sa buk dik, petrol leh diesel pawlh dal loh, sorkar laipuia cable TV rate bithliahtu Telecom Regulatory Authority of India rate thar siam anga cable TV lak leh thil dang tam tak vawn dik ngai a awm a, chumi kawngah chuan mipuite an \hangharh a, Consumer Union, sorkar leh dan bawhchhetute hrem theitu thuneihna sang tak nei, District Forum te nen lungrual taka \an ho a ngai a ni a ti.
He inkhawmah hian Consumer te tana sulsu hmasatu, vawiin thlenga Adviser hna la thawk Pu Bualhranga MLA hlui bakah Food, Civil Supplies & Consumer Affairs Deptt. aiawhte, Legal Metrology hotute leh District Forum aiawhten thu an sawi a ni.