Mizoram Consumers’ Union-in Telecom Regulatory Authority of India ruahman anga Cable TV Fee thar lak turah danin a sawi angin Consumer-te duhthlanna ngaihpawimawh sak turin Mizoram Cable TV Operator-te an ngen.

0
420
views

Vawiina Aizawl Press Club-a thuthar lakhawmtute an kawmnaah an pawl President, Prof. Chawngsailova chuan, TRAI-in Cable TV kalpuinaa dan thar a siam chu langtlang taka kalpui a nih theih nana duan a ni tih sawiin, TV pawttute chuan an channel duhzawng chauh an thlang thei tawh dawn a, chumi man bakah chuan GST 18% nen an chawi tur a ni a, Cable TV operator-te chuan Pack emaw Channel emaw tumah an lei luih tir thei lova, Channel an lak leh lak loh chu TV pawttute thu thu a ni tawh tih a sawi. Prof. Chawngsailova chuan, thla tina TV pawh man pawh a pawttute thunuaia awm tur a ni tih sawiin, Consumer-te chuan Pre-paid emaw post-paid emaw an dud duh danin Bill an pe thei a, an duh hunah Channel an lei belh thei ang a, an duh hunah an paih \hen thei bawk ang a, Bill an chawi tlem leh tam chu Channel an lak zak a zir zel a nih tawh dawn a, tun hmaa channel an en ngai lohah pawh pawisa chawizel an chi kha a awm tawh dawn loh avangin TV pawh man pawh hi tun hma lam ai chuan tlawm zawk tura ngaih a ni tih a sawi a. Hetiang a nih mek laia Mizorama Cable TV Operator \henkhat-in a letling zawnga kal ang maia thil an kalpui chu \ha a tih thu a sawi a ni.

Mizoram Consumers’ Union President chuan, Mizorama Cable TV Operator-te thil tih dan chu uluk taka an thlithlai thu leh TRAI nen pawh an inbiak pawh reng thu sawiin, TRAI hotuten Mizorama Cable TV Operator-te thil tih dan chu Report turin an ti a, an thil hmuh dan kimchang an hrilh a nih chuan mipui lamin an tawrh dawn avangin an la Report duh rih lo niin a sawi. Consumers’ Union hruaitute sawi danin, tun dinhmunah hian Operator \henkhat dan zawm famkim lo an awm a, an thil tih dan chu hotu sang lama thlen a nih chuan an License tihtawp emaw, sum tam tak chawi tir emaw theih an nih dawn avangin Operator-te chu dan ang kal hram hram turin an ngen a. Channel lak thuah emaw TV pawh man pek dan thuah emaw a pawttute thuneihna chu ngaipawimawh a, an dikna chanvo zah sak turin Cable TV Operator-te chu an ngen a ni.