Zonet thu dawn danin Pu Bhupesh Chaudhary an duhloh chungchangah hian nimin khan an Chairman, Pi T Lalmuanpuii kaihhruaiin Mizoram Cooperative Coordination Committee an \hukhawma, hetah hian Pu Bhupesh Chaudhary thil tih dan duh lova All NGO Coordination Committee-in an duh loh tawh chu an Department hotu atan an duh bik lo tiin thu tlukna an siam a, hei hi bawhzuiin Minister, Pi Vanlalawmpuii Chawngthu chu a chenna inah hmuin an thutlukna siam tawh chu an hrilha, ziakin an thehlut bawk a, he lehkha hi Chief Minister, Pu Lal Thanhawla hnen thlen tir turin Minister chu an ngena, Cooperation Department Registrar atan Pu Bhupesh Chaudhary ruatna Order chu sut turin sorkar an ngen a ni.
Puan tawh angin Mamit Bawrhsap, Pu Bhupesh Chaudhary hi Cooperation Department-ah Registrar hna chelh turin nimin piah khan sawn a ni a, a hna thar hi nimin khan a zawm tawh a ni.
