Mizoram District \henkhatah thlai eichhe thei pangang chikhat Fall Army Worm tia sawi a puang a, loneituten harsatna an tawk mek.

0
522
views

Agriculture Department hotute hnen a\anga ZONET thudawn danin Fall Army Worm rannung hian vaimim a ei chhe ber a, vaimim ei tur an hmuh loh chuan thlai dangah \uanin eng thlai pawh an eichhe thei vek a ni. Fall Army Worm hi phengphehlepah changin nikhatah km 100 vel a thui an thlawk thei a ni. Agriculture Department hotute chuan, Fall Army Worm hi Mizoramah an hmuh vawikhatna a nih thu an sawi a, he pangang hi Mizoramah a awm thei tih kumin February ni 27 khan Sorkar laipui a\anga hriattirna dawn a ni tawh a, District tina Agriculuture Officer te pawh an huamchhung \heuhah hma la tura hriattir an ni tawh tih an sawi.

March ni 3 khan Lunglei Nghasih zauah he pangang hi hmuh a ni a, hriat theih chinah Lunglei District-a Nghasih Zau bakah hian South Vanlaiphai, |hingva, Ramlaitui, Vanhne, Pangzawl leh Thiltlang-ah te pawh hmuh a ni tawh a, Aizawl District-ah khaw 12 ah hmuh a ni tawh a, Serchhip Dsitrict-ah chuan Thenzawl, Lungdar leh Thinglianah te hmuh a ni tawh a, Mamit District-ah Rulpuihlim, |uahzawl, Kawrthah, Kawrtethawveng leh Rawpuichhip-ah te hmuh a nih bakah nimin khan Siaha-ah hmuh a ni ve leh bawk.