Mizoram Gorkha Youth Association-in General Conference nei

0
713
views

Mizoram Gorkha Youth Association-in vawiin khan Ramrikawn-a RS School of Learning-ah General Conference vawi 41-na an hman chu Aizawl West-I bialtu MLA, Pu K. Sang\huama’n a hmanpui a. Gorkha-te chu hnama chiang leh entawntlak an ni tih sawiin, eng hnam pawh hnama an chian chuan an hnam a him \hin a, chutih rual chuan mahni hnam chauh buaipui tur tihna a ni lo tih hriat a pawimawh tih a sawi. Pu K. Sang\huama chuan, India-in kum 1951 hmaa India rama awmte chu khua leh tuiah a pawm angin Mizorama Gorkha-te pawh Mizo-ten an pawm niin a sawi a. Gorkha-te chu Mizote nen Mizoram zimte-a cheng ho an nih avangin hnam dan leh sakhua dang mah se, thawk ho tur an ni tih hre reng turin a chah a ni. Vawiina Gorkha \halai intawhkhawmnaah hian Mizoram hmun hrang hrang a\angin Gorkha \halai \hahnem tak an tel a ni.