Mizoram Govt. Pharmacist’ Association General Conference vawi 12 tan

0
677
views

Ni 2 awh tur Mizoram Govt. Pharmacist’ Association General Conference vawi 12-na chu vawiin khan Tourist Lodge, Chaltlangah tan a ni. A hmanpuitu Health Minister Pu Lal Thanzara chuan, mipui te hnena damdawi nihphung, a hnathawh dan leh a nghawng te, a ei dan tur dik te zirtir chu Pharmacist te mawhphurhna pawimawh tak a nih thu a sawi a, Pu Lalthanzara chuan, Ahmedabad leh hmun thenkhatah ISO certified company ni ve thlap si mahni duh ang ang leh, brand hming duh ang anga damdawi siam tir mai theih company an awm tih a sawi a, heng ho damdawi siam chhuah te lakah fimkhur a tul a ni a ti. Conference hi an pawl President Pu H. Lalnuntluanga’n a kaihruai a, chawhnu lamah ro an rel a ni.