Hindi zirlaite hmalakna hi Mizoram University Students Union, Aizawl City College Joint Students Union, Womens’ Polytechnic Students Union leh DIET Trainees Union hruaituten thlawpin, vawiina Mizoram Hindi Training College Principal, Dr. Louis Hauhnar pisa kai tur danaah hian an \awiawm a ni. Zonet zawhna chhangin Mizoram Hindi Training College-a Adhoc Trainees Union hruaitute chuan, an Principal chu sum tam tak tichingpenah puhin, mawi lo tak taka ankhum \hin bakah, a kaihhruaina hnuaiah zirna a tlahniam a. Zirtirtuten Class an lak \hat loh avangin chu thup nan chuan Exam Hall-ah zirtirtuten a chhanna langsar takin an hrilh a, entawn tur kenglutte pawh man sak an nih ngai loh avangin thiamna tak tak nei loten Certificate \ha tak tak an chhuahpui a, hemi avang hian a zir \ha duhte pawhin harsatna an tawh phah nia sawiin, heng an harsatna hrang hrang hi sutkian a nih theih nan a mawhphurtu ber, College Principal, Dr. Louis Hauhnar chu hmun danga sawn chhuah an phut tih an sawi. Amah hi sawn a nih loh chuan a thil tih dik loh an hailante pawh a ziahfel hman an hlauh tih sawiin, thuneitute chu a rang thei ang bera sawn chhuak tura an duh thu an sawi.
Hemi hnua thuchhuah in\awm an siamah zirlai pawl hrang hrang hruaitute chuan, an thil phut chu tihhlawhtlin a nih hma loh chu Principal Pisa kai tur hi dan chhunzawm zel an tum thu an sawi a. Hei bakah hian an thil phut hrang hrangte pawh an thuchhuahah chuan an tarlang a ni.
