Mizoram hmar lam District 5 huam chhunga Pastor bial 29-a bialtu Pastor leh Probationary Pastor te tan Aizawl Area BCM Pastors’ Meet Thawhlehni leh Nilaini khan Aizawlah neih a ni.

0
652
views

Hetah hian bial vawngtu Pastor leh Pro Pastor 53 te an tel a, Pastor pension tawh leh Academy of Integrated Christian Studies-a Assistant Professors te an tel bawk a ni. Meet thupui atan ‘Pastoral Ministry-a hlawhtlinna thurukte a taka tawnhriat a\angin’ tih hman a ni a, hetah hian Aizawl Area-a BCM Executive Secy., Rev. Dr. K. Lalrinthanga chuan BCM Pastors Meet thil tum leh neih chhan a sawifiah a, chawhma lamah BCM danglam bikna te, Kristian inneih dan, mitthi vui, nausen hlan, Baptima leh Lalpa Zanriah Sacrament buatsaih dan te sawifiah a nih bakah Pastor te tan quarterly report pek dan chungchangte sawiho a ni a, Pastor pension tawh ten an tawnhriat te an sawi chhuah bawk a ni. Nimin khan BCM leh thilpek rawngbawlna chungchang BCM Finance Director, Rev. Lalramngheta Chhangtein a sawi a, bial hrang hrang a\angin rawngbawlna report leh thil pawimawh dangten sawiho a ni bawk. He Aizawl Area Pastors Meet-ah hian Pastor te leh Kohhran mipuite inlaichinna chungchangte, Kohhran ding tawh sa leh din thar chanchin te inhrilhfiah a ni bawk.