Mizoram hmun hrang hrnagah ram pum huap tawngtai beihpui thlak

0
715
views

Synod Revival Commitee buatsaihin vawiin khan Mizoram hmun hrang hrangah ram pum huap |awng\ai beihpui thlak a ni a. Aizawlah chuan chawhma dar 11 khan Zarkawta Govt. Mizo High School Field-ah \awng\ai beihpui hi thlak a ni. Kohhran mipuite chu Pathianin chenna tur ram min pek avanga lawmthu sawina leh Pathian duhzawnga luah leh enkawl a nih zel theih nan te, rethei leh hausa inkar zau zel avanga harsatna awm \hin sut kian a nih theih nan te, nakkuma Mizoramin inthlanpui a hmachhawn turah Party ruihchilhna bansan a, Pathian pawmpui tlak inthlanna thiamghlim leh felfai a awm theih nan te, zu leh ruihhlo zalen taka zawrh leh lak luh chu tihtawp a nih theih nan leh HIV/AIDS avanga natna leh mualphona a kian theih nan te, Mizorama cheng hnam hrang hrangte inlungrual taka an chen ho theih nan leh chi inthliarna a reh theih nan te, remna leh muanna dik a awm theih nan te, mipui leh roreltuten thing leh mau, tuihna, kawngpui, lui leh khawmuala chengte chunga rilru dik an put theih nan te, ram chhung hmun hrang hrang roreltute thinlung Pathian thuin thuk zawka a luhchilh theih nan leh Party duhzawng aia ram mamawh thlir chunga Pathian duh zawng an ngaih pawimawh theih nan te, sorkar laipuia roreltuten sakhaw tih bik nei lova, Pathian duhzawnga ram an kaihhruai theih nan te, India ramah inen hranna a reh a, inpumkhatna \ha a awm theih nan te, India ram hmun hrang hranga Mizo hnahthlak zirlai leh hnathawktuten Pathian \ihna leh a duhzawnga thil an tih zel theih nan te, faina leh thianghlimna kawnga ramin hma a sawn zel theih nan leh Kohhran \han zelna a tan an \awng\ai rual a ni.

|awng\ai beihpui thlak hawnna inkhawm hi Synod Executive Secretary, Rev. Lalramliana Pachuau-in a kaihruai a, a hawnna thuchah sawitu, Synod Moderator, Rev. Lalzuithanga chuan, Mizoram chu sualin a kang mek tih z>p theih a nih loh thu leh tuna Mizoramin a mamawh ber chu Pathian a nih thu a sawi a, Kohhran mipuite chu Mizoram a dam leh theih nan an rinna tichak a, intihuai deuh deuh turin a chah a ni. Rev. Lalzuithanga chuan, tuna Mizorama Political Party hrang hrangin Party Politics an buaipui dan ngaihtuahin ramin hmasawnna tak tak a neih theih a beisei loh thu leh mipuiten party politics an ruihchilh nasat avangin thil dik lo nia lang pawh an \an lamte tih a nih chuan dikah an pawm tawh mai \hin nia sawiin, he ngaihdan hi mipuiten bansan a, party \an lam nei lo tur leh Party-ah an awm a nih pawhin thil dik leh dik lo thliar thiam tura a duh thu a sawi. Ram rorelnaah Pathian \ih mi leh ngaihsak mi thlan thiam a pawimawh tih sawiin, Synod Moderator chuan, nakkum maia Assembly inthlanpui hmachhawn turah pawh mipuite’n Pathian \hih mi thlan nachang an hriat loh chuan Mizoram hma lam hun chu thui tak thlir ngam pawh a nih loh thu leh Party sorkarna aiin, Lal Isua rorelna a pawimawh ber tih hriat a ngai tih a sawi. Mizoramah HIV vei an pung zel a, Zu vangin \halai an thi mek a, ruihhlo a hluar hle bawk a, man tur a awm reng chuan Mizoram chu a him lo tih a tilang chiang hle tih sawiin, heng thil \ha lo hrang hrang laka Mizoram a fihlim theih nan kohhran mipuite chu \hahnem ngai taka thawk turin Rev. Lalzuithanga chuan a chah a ni.