He inkhawm hi an pawl President, Pu Vanlalruata Chenkual-in a kaihruai a, an Department Director, Pi Elizabeth Saipari chuan, Horticulture Department hnuaiah kuthnathawktute thlai thar hralhchhuah kawnga hmalatu tur, Marketing Cell din a ni dawn tih sawiin, hemi atana hriattirna pawh chhuah thuai tum a ni tih a sawi a. Hei hi a taka tihhlawhtlin a nih hunah chuan tun hmaa harsatna an tawh \hin tak tam chu sutkian a ni tawh dawn tih sawiin, an Department chu thlai thar chiah buaipuia a hralhchhuah lehna lam an tawh \hin chu a kiang thei tawh dawn niin a sawi. Pi Elizabeth Saipari chuan, Horticulture Service Association member-te chu Officer an ni mai lova, sorkar tana thawktu, Government Servant an ni tih hre tura chahin, tunah pawh sorkar thar a piang a, sorkar fawng chelhtute chu an eng party mi pawh ni se, an policy tihlawhtling tura \anlak chu an tih tur a ni tih an hriat a ngai a, kuthnathawktute tan an thawh piah lamah ram mipui zawng zawngte tana thawktu an ni tih an hriat a, ram sum leh pai dehchhuah a pun theih nana bultumtu an ni tih an hriat a ngai a ni, a ti. Horticulture Director chuan, an Department hmalakna zara Mizorama chhungkaw \hahnem takin hlawhtlinna an hmu leh sum leh pai tam tak an lalut thei chu lawmawm a tih thu sawiin, kuthnathawktuten hlawhtlinna tam zawk an hmuh zel theih nan an Department Officer-te ch \anla zual sauh sauh turin a chah a ni.
Chawhnu lam chu an pawl Vice President, K. Lalduhawma kaihruaiin ro an rel a, an pawl hruaitu thar tur an thlang bawk. Genneral Secretary report a\anga a lan danin, Mizoram Horticulture Service Association-ah hian member 80 an awm mek a. Sanction post awm zat chu 97 niin, post hnawh khah loh 17 a awm mek a ni.
