Mizoram Importer and Exporter Code Holders’ Association-in Foreign Trade hnuaia phalna nei lova Mizorama bungraw lakluh chu karleh nilaini a\angin dan an tum thu an puang.

0
528
views

Vawiina Aizawl Press Club-a thuthar lakhawmtute an kawmnaah an pawl Working Committee Chairman, Pu R. Lalruatfela chuan, an pawl chu sorkar laipuia Ministry of Commerce & Industry hnuaia Foreign Trade Department-in Import & Export License a pekte an nih thu a sawi a, Mizorama sorkar hnuaia Firm & Society-ah an inziak lout thlap niin a sawi. Pu R. Lalruatfela chuan, India Foreign Trade Policy hnuaia Act East Policy kalpui mek chu Zofate tan dinkhawchhuahna tur leh thalai tam tak tan eizawnna an hmuh theihna tur leh Zofate inpumkhatna atan a \angkai hle a ni, a ti a. He hmalakna hmang hian Mizoram chu India rama sumdawnna kawtchhuah pawimawh ber a ni chho mek a. Hei hi \angkai zawka hma a nih theih nan a huhova \anrual a \ul hle a. Inbuatsaihna leh hmalakna a awm zel loh chuan ram leh hnam tan a him loh theih avangin hnam dang sumdawngten an chanvo an chhuhsak ang a, he sumdawnna hian a kal kan a hlauhawm tak zet a ni, a ti a. He sumdawnna hian Mizoram a fan hneh sawt hle tih sawiin, Aizawlah ngei pawh ram dang a\anga bungraw lakluh chuan hmun tam zawk a luah chho mek zel a, heng bungruate hi dan ang taka lakluh a nih chuan chhiah fel taka pea Maximum Retail Price mumal tak nei tur a nih laiin, dan lova sumdawngte avangin Rate mumal a awm thei lova, dan lo leh sorkar hriatpuina tel lova pawisa chawi atam avangin bungrua in ang reng pawh a man a inthlau nasa hle a, a tuartu chu mipuite an nih avangin hei hi a tawp theih nan an pawl chuan hmalak a tum ta tih a sawi.

Mizoram Importer and Exporter Code Holders’ Association hruaitute chuan, dan lova sumdawnna chuan hnamdang a ti huangtaua, dan phal loh thil a zalentir bawk a, Ram leh Hnam tana hlawkna awm thei tur chhiah leh bungraw thiar velna a\anga hlawkna awm theite pawh a luang ral zel niin an sawi a. Ram pum tana hlawkna ni thei tur chu mi tlemte chauhin an chhawr \angkai a, sumdawnna avanga eizawnna tam tak awm tur chuan mipui a thlawhkhum mek avangin Foreign Trade hnuaia phalna nei lova bungrua kal reng reng chu karleh nilaini a\angin an dang dawn a. .Hemi atana hmalak an tum dan hi thuneitu te pawh an hriattir tawh thu leh ram leh hnam leh mipui nawlpui tana an hmalakna chu hriatpuia thlawp \heuh turin Zoram mipuite an ngen bawk.