Mizoram Journalist Association MJA in vawiin khan Coordination Committee neiin, General Conference-a an thu ngaihtuah tur Agenda te an thlifim.

0
494
views

MJA Coordination Committee ah hian District tina MJA hruaitute an tel a, General Conference-a agenda tura rawtna, District hrang hrang a\anga lutte sawihovin hmalakna kallai \henkhatte chu inhrilhfiah anih hnuah hnawl a ni a, a tam zawk chu General Conference-a rorel palai tam zawkte ngaihtuah turin an pawm a ni.

Coordination Committee meeting hi MJA Gen Hqrs. President Pu Zonunsanga Khiangte in a kaihruai a, General Secretary Pu C. Lalhmachhuana’n Coordination Committee hnuhnung ber leh tun inkara MJA hmalakna langsar zualte a tarlang a. Hun hmasa lamah thla hlui March ni 15-a boral ta, MJA Gen Hqrs. Vice President Pu R.Lalhmangaihzuala sun nan minute khat chhung ngawi rengin an ding a ni.

MJA General Conference vawi 46-na hi tun thla ni 24 khian Mamit-ah neih a ni dawn a, hetah hian Mizoram Chief Secretary Pu Lalnunmawia Chuaungo chu khuallian tura beisei a ni a, Mamit DC Dr Lalrozama chu khualzahawm tura beisei a ni.