MJA Vice President Pu R.Lalhmangaihzuala vanduaithlak taka a boral avangin MJA Constitution bung XXVII sub no. 3 in thuneihna a pek angin executive meeting hian Vice President atan Treasurer nilai Pu Lalremsiama ruatin Treasurer atan General Secretary nilai Pu C.Lalhmachhuana te an ruat a, heng elected OB post hi hun laklawha siamrem anih avangin post ngai term 2 bak an chelh thei lovang tih MJA danpuia inziak chu heng post siamrem bikah hi chuan hman remchang lovah Executive committee chuan a ngai a ni.
MJA President Pu Zonunsanga Khiangte chuan MJA danpuiin thuneihna a pek angin General Secretary atan Pu Zohmingmawia leh Secretary atan Pu Joseph Lalnuntluanga te a ruat thar tih a puang nghal bawk a ni.
MJA Executive Committee meeting hian April ni 24-a Mamit-a neih, MJA General Conference vawi 44-na pawh thlirletin inkhawmpui thlengtu Mamit inbuatsaihna a \hat avang leh hneh taka palaite an thlen avangin lawmthu an sawi a, MJA Public Library sub committee -in May ni 9-a MJA Library building leh hmanraw thar an neih te lawm an rawtna chu pawmpui a ni bawk.
