Mizoram Junior Engineer Service Association ten Mass Casual Leave la

0
535
views

Mizoram Junior Engineer Service Association (JESAM) pawhin Non Functional Upgradation ph<tin vawiin a\ang khan Mizoram pumah Mass Casual Leave an la a, JESAM member-te hi Aizawla Temple Square-ah an pung khawm a, an pawl General Secretary, Pu PC Lalthanliana chuan, JE te hian Promotional Quota-ah zaa 35, kaisan theihna an nei a, kaisang lova pension tur, mi 245 vel an awm niin a sawi. Non Functional Upgradation hi sorkarah pawh an dil tawh \hin thu te, Modified Assured Career Progression an neih leh, 7th pay hman a nih dawn avangin hlawh tihdanglam a rem lo tih chhuanlamin an dilna chu thuneituten an hnawl niin a sawi a, heti chung hian an thawhpui Modified Assured Carrier Progression nei ve tho, SDO leh EE te, Junior Scientific Officer-te leh Subordinate Accounts Servicc-te hlawh bi chu siam \hat a ni thung nia sawiin, hei hi JE te en hranna nia an ngaih thu a sawi bawk. Junior Engineer-te hian tun kar Zirtawpni thlengin Mass Casual Leave an la dawn a, an hlawhtlin loh chuan an kal zel dan tur an ngaihtuah leh dawn nia thu dawn a ni. Puan tawh angin, JESAM hi sorkara an thil phut nawr nan hian August thla khan Badge dum belin Khatlaa New Secretariat kawtah ni thum chhung an lo pung khawm tawh a ni.