Mizoram kawngpui chhiat chhan chu MNF niin CM-in sawi

0
349
views

CM, Pu Lal Thanhawla’n Mizorama kawngpui chhiat chhan bul ber chu MNF sorkar laia tualchhung contractor-te hnen a\anga za-a 3 an lak \hin vang niin vawiina Congress Bhavan-a inkhawmah a sawi a. Hei hi hlawk an tih em avangin vaibelchhe sang tam tak awmna, National Highway chu an kutah awm atan an $t a, Defence Ministry-ah PWD kuta hlan chhawn an dil a, an hriat ve meuh chuan thil an lo tihfel vek hman tawh avangin tih ngaihna a awm lova, kawngpuiin a tuar ta niin a sawi. Nimina Mizoram puma Total Bandh huaihawt chu a hlawhtling hle tih leh, mipuiin an thlawp \ha nia MNF Party hruaituten an sawi chungchangah Pu Lal Thanhawla chuan, hlawhtling lo thei an ni lo nia sawiin, bawhchhia awm ta se, dah \hat mai ching an nih avangin mipuiin an bawhchhe ngam lo niin a sawi a, Bandh a nih hrim hrim hian sorkar hnathawk leh sumdawngten a nawlpuia chawlh a nih avanga an dodal ngai lem loh avangin, Bandh hi tu siam pawh ni se a hlawhtling duh hle niin a sawi. Pu Lal Thanhawla chuan, kuminah ruah a sur nasat avangin lo hal hun pawh bituk hleih thei loh khawpin khaw awm danin a zir lo nia sawiin, an hriat theih chinah kumin chhung ringawt hian lei min avanga lirthei kal theih loh khawpa lei vungin kawngpui a hnawh hmun 984, kalkawng bal 81, lungrem chim 94 leh lei chhia 83 a awm tawh nia sawiin, heng hmun hrang hranga kawngpui chhiate siam \ha tur hian cheng vaibelchhe 30 vel mamawh a nih thu Department hotuten an sawi niin a sawi.

An Party hruaitute chu Mizoram leh hnam hlan kai an tumnaah an chiang nia sawiin CM chuan, ram rawngbawlna hna an thawhna arkhawthim dai ve lovin nghet takin an kal niin a sawi a, NLUP leh NEDP hmanga mi retheite dawm kan tumtu an nih thu a sawi bawk. He inkhawm hi MPCC General Secretary, Pu K. Lalrinthanga, MLA-in a kaihruai a. MPCC Communication Department-in an Party Telephone Directory an siam chu Pu Lal Thanhawla’n a tlangzarh a, an Party zawm thar mi 32 a lawm lut bawk.