Larsap chuan Krismas hi lei leh van inrem tawh lo inrem lehna tura Pathianin a fapa mal Isua Krista khawvela a rawn tirhna ni a ni tih sawiin, he ni hi ni pawimawh hriatreng tur a ni a, he ni lawmawm lo thlengah hian in an lohna leh ngaihdan danglamte dah \ha-in mi zawng zawng inrem tlanga awm vek turin a ngen a ni. Larsap chuan Mizoram Assembly inthlanpui zawhfel tak kha inthlanna thianghlim felfai leh entawn tlak a tlinga, kha khan Mizoram chu India rama State ralmuang ber a ni tih a tilang chiang a ni a ti. Larsap chuan Krismas thlen dawna Mizorama sorkar thar lo piang chu Democracy rama rorelna a hlawhtlin nan \ha taka thlawp turin mipuite a ngen a, sorkar \ha neih nan leh sorkar khalh ngil turin opposition lam pawh an mawhphurhna hlen chhuah tum turin a ngen bawk a ni. Kum 2018 chhunga Mizoramin hlawhtlinna leh thil chhinchhiah tlak a tawn te tarlangin Larsap chuan NT Lalbiakkima’n Boxing-ah World No. 1 leh Olympic Gold Medalist ni lai President Cup-a a hneh thu te, Mizo nula chhuanawm kum 18 mi, Lalremsiami Asian Games leh Youth Olympic Games-ah India tan Hockey-ah Silver Medal a lak thu te, ritchawi lamah Jeremy Lalrinnunga’n Youth Olympic Games-ah Gold Medal a lak thu te a tarlang a ni. Larsap chuan hun reilotea kum 2019 chuankai tur chu beiseina sang tak nena thlir turin mipuite a fuih a, a beisei dan sawi chhuakin Pu Kummanam Rajasekharan chuan nakkumah chuan Mizoramin Agriculture, Horticulture, Food processing, Tourism, Education, Handloom and Handicrafts Industries leh thildang \henkhatah hlawhtlin sang tak a neih a beisei tih a sawi a ni.
