Mizoram Legal Services Authority leh Mizoram State Commission For Women \angdun buatsaiin Central Jail-ah International Womens Day vawiin khan hman a ni.

0
362
views

A hmanpuitu Gauhati High Court judge, Justice Michael Zothankhuma chuan hmeichhiate chu an dikna chanvo humhalna Dan \ha tak nei an nih thu a sawi a, lunginah an tang reng dawn lova danin a tih ang chu zawm hram tum turin a chah a, an chhuah huna an fate, chhungte leh khawtlang tan khua leh tui \ha nih tum turin a chah a ni. Pu Michael-a chuan, Jail administration leh womens commission-ten programme leh policy mumal tak siam tura a duh thu a sawi a, lung in a tang te an chhuah hunah rilru lama harsatna emaw mipat hmeichhiatna lama in tih bawrhbanna emaw a awm thei a, an mahni enkawl zuina tur leh an hnathawh tur ngaihtuah a ngai a ni a ti a, an thubuai ngaihtuah kawngah puihna an dawn theih dan hrang hrangte a sawifiah a, Dan, ham\hatna leh chanvo hriat rualin khua leh tui \ha nih chu an mawhphurhna pawimawh tak a nih thu a sawi. P

u Michael-a chuan, Mizoram hmun hrang hranga Jail-te dinhmun chu inang tlang ni thei se a duh tih a sawi a, lung in a tang te hriselna an enkawl \ha em tih te, Aizawl jaila an neih ang chu an nei ve em tih sorkarin a ngai pawimawhin a khairual hle nia a hriat thu a sawi a ni.

Inkhawm hi Mizoram Legal Services Authority Member Secretary Pu Vanlalenmawia’n a kaihruai a, Gauhati High Court judge Justice Nelson Sailo, Mizoram State Commission for Women chairperson Lallawmchhungi leh Prof. Zokaitluangite ten thu an sawi a, hemi hnu hian hmeichhe jail tangte hriselna dinhmun Doctor ten an endik sak a ni. Tun dinhmunah Central Jail Women Cell-ah hian hmeichhia 75 an awm a ni.