Mizoram Legislative Assembly Budget Session neih mekah vawiin khan Minister pathum Pu Lalruatkima, Dr K Beichhua leh Pu Lalchamliana ten kum 2020-21 chhunga an hna chanpual an enkawlna tur sum ruahman sawiho a ni.

0
284
views

Pu Lalruatkima hna chanpual enkawlna tur sum ruahmante hi Land Revenue & Settlement ah cheng vbc 39 nuai 94 leh sang 4, Information & Public Relations ah cheng vbc 16 nuai 28 sing 5 sang 2 leh Rural Development enkawlna tur cheng vbc 368 nuai 9 sing 5 sang 6 a vaiin cheng vbc 424 nuai 32 sing 1 sang 2 a ni.

Dr K Beichhua hna chanpual enkawlna tur sum ruahmante hi Excise & Narcotics Dept enkawlna tur cheng vbc 46 nuai 16 sing 6 sang 2, Social Welfare ah cheng vbc 141 nuai 85 sing 2 sang 2, AH&Vety ah cheng vbc 81 nuai 21 sing 4 sang 4 leh Sericulture ah cheng vbc 20 nuai 54 sing 3 sang 9, a vaiin cheng vbc 289 nuai 77 sing 6 sang 7 a ni.

Pu Lalchamliana hna chanpual enkawlna tur sum ruahman sawiho te hi Taxation ah cheng vbc 21 nuai 61 sing 7 sang 2, Home enkawlna tur cheng vbc 801 nuai 81 sing 7 sang 9 leh DM&R enkawlna tur cheng vbc 59 nuai 23 sing 7 sang 5, a vaiin cheng vbc 882 nuai 67 sing 2 sang 6 a ni.