Mizoram leh Assam ramri chungchang ngaihtuah tura Sorkar-in Committee a din, Core Committee chu nimin khan Chief Secretary, Pu Lalnunmawia Chuaungo hovin an \hukhawm.

0
416
views

Hetah hian Assam leh Mizoram ramri chinfel a nih theih nana hmalakna awm sa leh hmalakna kal mek hrang hrang an thir ho a, tuna MAP hmanlaia dik lo awm chungchang leh a siam\hat dan turte an sawi ho a ni. He \hutkhawmnaah hian Britsih-in India a awp laia Assam leh Mizoram ramri chungchanga lehkha pawimawh awm thei ang ang te, British hun laia hriattirna tihchhuah leh Mizoramin lehkha pawimawh a neih hrang hrangte an thlir ho a. Tuna Mizoram Sorkar-in lehkha pawimawh a neihte chu duh thu a la sam loh deuh avangin karthar lo awm tur March thla chhungin lehkha pawimawh leh Sorkar Notification mamawh angte lakhawma sawi ho leh ni se an ti a. Ramri chingfel tura Mizoram \anchhan tur document \ha leh notification rintlak neih a nih hunah chung thil pawimawhte chu Chief Minister hnenah thehluh tur a ni a, hemi zawh hian Mizoram Sorkar in Central Sorkarah inbiakna tur rawtna a thlen anga, Central Sorkar kaihhruainain Mizoram leh Assam Sorkar in an sawi leh dawn a ni.

He \hutkhawmna hi Chief Secretary, Pu Lalnunmawia Chuaungo-in a kaihruai a, hetah hian Home, Forest leh Revenue Department aiawhte bakah Mizoram State Archives leh MZP hruaitute an tel bawk a.

Zawhna chhangin MZP President, L. Ramdinliana Renthlei chuan, Mizoram leh Assam ramri chinfel chungchang chu thil harsa lutuk nia a hriat loh thu Zonet a hrilh a. Ramri chungchang chu Mizoram Sorkar-in tun aiin vei deuh se chuan awlsam te a sawifel mai theih nia a hriat thu a sawi a ni.