Mizoram Liqour Prohibition Control Act hmanga zu zawrh phalna License pek chu naktukah a tawp tawh dawn a, License hi tih nun chhunzawm a nih tawh dawn loh avangin vawiin hi dan hnuaia zu zawrh tawp ni a ni.

0
206
views

Excise and Narcotics Department hotute chuan, MLPC Act hmanga zu zawrh phalna License an pek chu April ni 1 a\anga March ni 31 thleng zel nung tura tih a ni tih sawiin, tun hnaia Mizoram Sorkar-in zu khapna dan thar a pass tak chu a taka hmang rin lo turin CEO Pisa-in hriattir mah se, tuna zu zawrh phalna License an pek chu tun thla ni 31 thleng chauh nung tur a ni a, March ni hnuhnung ber naktuk chu Pathianni a nih avangin zu dah khawlna Bonded Ware House leh a hralhchhuahna dawrte chu vawiin thleng bak zu hralh phalsak an ni tawh dawn lo tih am sawi a, hemi hnu lamah hi chuan dawr zawng zawng chu kalh sak vek an ni tawh dawn a, zu hralh bang a awm a nih chuan a tihzui dan tur hu Sorkar thutlukna a ni dawn tih an sawi.

Zu zawrh tawp ni vawiina Zonet palaiin Aizawl khawpui chhung hmun hrang hrang a fankualnaah zu dawrte chu an lun hlawm hle a, zu lei tum mi \hahnem tak an awm a ni. Puan tawh \hin angin nikum December ni 18-a Mizoram Sorkar Councils of Minister \hukhawm chuan MLPC Act hmanga zu zawrh chu titawp a remti a. Hemi ni a\ang hian Sorkar Department kaihhnawih zu zawrh chu tihtawp nghal niin, December ni 21 a\anga kumin January ni 14 thleng zu zawrh chu tihtawp lailawk a ni a, hei hi sorkar-in pawhsei a tum chu zu zuartuten Court-a an khin avangin zu chu zawrh lailawk leh a ni a, hetihrual hian sorkar chuan zu zawrh tihtawp chu a tum ber a nih avangin a zuartute zawrh phalna License chu a pawhsei sak ta lo a ni.

Excise Department chuan sorkar kum kal mek 2018-19 chhung February thla tawp thleng khan sorkar-ah sum Rs. vbch 59 chuang an chhunglut tawh a. Nikum kumtawp lama sorkar thar pian hnuah zu zawrh tihtawp lailawk leh Dry Day puan a awm zeuh zeuh avangin sum an hmuh hi a tlem phah thu leh dan pangngaia zu hi zawrh tlang ni se chuan hei aia tam hi an chhunluh theih an inbeisei tih Excise Department hotute chuan an sawi.