Mizoram Lok Sabha inthlanpui neih tur chuh turin BJP Candidate, Pu Nirupam Chakma-a’n vawiin khan a hming a pelut.

0
361
views

Pu Nirupam Chakma hian Returning Officer, Aizawl District Election Officer nibawk, Pu Vanlalngaihsaka hnenah Nomination Paper hi a thehlut a, hetah hian BJP Mizoram Pradesh President, Prof. JV Hluna, State General Secretary, Pu Vanlalhmuaka leh an Party hotu engemawzatin an \awiawm a ni. Nomination paper a thehluh hmaa thuthar lakhawmtute zawhna chhangin Pu Nirupam Chakma chuan, BJP chu Central-a an sorkar leh ngei dawna a lan vangin amah chu thlan tlin a nih chuan Candidate dangte aiin Central lamah Mizoram tan hna a thawk \ha thei zawk dawna a rin thu a sawi a, Union Minister hial nih theihna remchang pawh a nei niin a sawi.

Nomination a file hnu hian Pu Nirupam Chakma hian Upper Republic-a an party pisaah thuthar thehdarhtute a kawm zui a, zawhna chhangin ramri chungchang, hna nei lo te hna siam sak leh Mizorama zirna dinhmun chawi kan te chu a ngaihpawimawh a nih thu a sawi.