Mizoram mamawh buaipuia Delhi-a cham mek Sports Minister, Pu Robert Romawia Royte leh Delhi Mizo Zirlai Pawlte chu New Delhi-a Mizoram House-ah an inkawm.

0
136
views

Delhi Mizo Zirlai Pawl hruaitute chuan, Mizo \awng 8th Schedule-a dah chungchangte, dan lova ram dang a\anga Mizorama lutte vang harsatna thleng \hin leh ramri chungchang bakah Delhi MZP kum 60-na, diamond Jubilee lawm chungchang Minister chu an sawipui a. An inkawmnaah hian Pu Robert Romawia Royte chuan, dan lova Mizoram lutte venna atan Mizoram Sorkar chuan Household Register Act a siam thar thu sawiin, he dan hmang hian Mizorama dan lova lutte chu zawnchhuaha, awlsam taka endik an ni thei dawn tih sawiin, Mizorama cheng Mizote an tlem lutuk chu hun lokal zel tur atan a pawi theih avangin Zofate tan pun chak a \ul nia a hriat thute a sawi a ni. Minister chuan, Delhi chu India rama hmun pawimawh ber anih avangin Delhi-a Mizo awmte pawh an pawimawh a, Zo hnahthlak dangte huikhawm tura rilru zau tak pu turin a chah bawk.

Tourism Minister nibawk, Pu Robert Romawia Royte hian Delhi-a a cham chhungin Mizoram hmasawnna tur ruahmanna hrang hrang buaipuiin Union Tourism Secretary, Pu Yogendra Tripathi-te, Ministry of Road Transport and Highway Addl. Secretary, Pu Shambu Singh te, DoNER Ministry-a Secretary, Pu Inderjit Singh te, Union Sports Secretaty, Pu RS Julanaya te a kawm tawh a. Heng mi pawimawh hrang hrang a kawmnaah hian Minister hi Delhi Mizoram House-a Resident Commissioner thar, Pu Ajay Choudhury-a’n a \awiawm a, Vasant Vihar-a Mizoram House siam\hat dan tur a en nghal bawk.