An pawl President, Pu C. Lalthanmawia chuan, lungawi lohna an lantir tur hi khauh taka kalpui a nih tur thu Zonet a hrilh a. Naktuk zing a\angin Melthum dai Zampuimanga lungphun bulah te, Sairang Sihhmui peng, Selesih kawn, Kawnpui daia Sairang leh Zanlawn penna kawng\huam leh Seling bula Zero point-ahte an Duty dawn nia sawiin, hei bakah hian khaw bil Welfare hrang hrangte chu an khaw kawtchhuah hmun remchang laiah an Duty dawn niin a sawi a. Lungawi lohna an lantir chhung hian Maxi cab te chu tlan lui lo tura ngen an ni tih sawiin, tlan lui harsatna tawk an awm a nih chuan an mahni mawphurhna a nih tur thu a sawi. Puan tawh angin Mizoram Maxi Cab Owner Association hruaitute chuan September ni 27-a Aizawl Press Club-a thuthar lakhawmtute an kawmnaah All Mizoram permit pe tur leh Maxi cab chuan man tisang tura Sorkar an ngenna tihhlawhtlin a nih loh chuan tiamchin awm lova din an tum thu an lo puang tawh a. An thil phut chungchang hi Mizoram Maxi Cab Owner Association chuan nimin khan Chaltlang Lily venga an pawl Pisa-ah an ngaihtuah leh a, an ngen anga Sorkar a\anga thu lawmawm an hmuh loh avangin ruahman an lo siam tawh chu kal tlangpui an remti a ni.
