Mizoram Maxi Cab Owner Association-in All Mizoram permit pe tur leh Maxi Cab chuan man tisang tura sorkar an ngenna tihhlawhtlin a nih loh avangin Ningani a\ang hian tiamchin awm lovin an ding dawn tih an puang.

0
636
views

 

Maxi Cab Owner Association hi vawiin khan Chaltlang Lily venga an pawl pisa-ah an \hukhawm a, September ni 27-a Press Conference neia an lo puan tawh angin All Mizoram permit pe tur leh Maxi cab chuan man tisang tura sorkar an ngenna chu vawiin thlenga tihhlawhtlin a la nih loh avangin ruahmanna an lo siam tawh angin an thilphut nawr nan Mizoram pumah tlan rih loh an remti tih an sawi a. Lungawilohna an lantir chhung hian Mizoram hmun hrang hrangah uluk taka Duty siam a nih tur thu leh hemi pawisa lova tlan luite chu an chungah engpawh thleng se Mizoram Maxi Cab Owner Association chuan mawh a phur dawn lova, Duty-te nek luia tlan luih tumte chu an lirtheiin a tuar a nih pawhin an mahni mawh a nih tur thu leh lungawilohna an lantir chhunga mipuiin harsatna an tawk a nih chuan mipui hriatthiamna an ngen lawk tih an sawi.

Puan tawh angin Mizoram Maxi Cab Owner Association hruaitute chuan September ni 27-a Aizawl Press Club-a thuthar lakhawmtute an kawmnaah All Mizoram permit pe tur leh Maxi cab chuan man tisang tura sorkar an ngenna tihhlawhtlin a nih loh chuan tiamchin awm lova din an tum thu an lo puang tawh a ni.