Mizoram Maxi Cab Owner Association-in vawiin khan General Assembly vawi 14-na an hmang a, Mizoram Sorkar chu All Mizoram Permit pe tura an phut thu Resolution an pass.

0
319
views

He inkhawm Tuikhuahtlanga Central YMA Hall-ah neih hi an pawl President, Pu C. Lalthanmawia’n a kaihruai a, Vice President, Pu Kapliana’n inlawm thu sawiin, General Secretary, Laldinliana Sailo-in an pawl hmalakna hrang hrang a tarlang a. An member thite an sun bawk. Chawhnu lamah an pawl hmalakna tur hrang hrang an sawi ho a, hetah hian Resolution siamin, Maxi cab service-te tan All mizoram permit pe tura sorkar an phut thu sawiin, an pe lo a nih chuan a tawp thlenga nawr an tum thu an sawi a. Tuna an Rate hman mek chu pawmpui turin Sorkar an phut a. An pawl hruaitu thar tur an thlang ngal a, chungte chu President-ah Pu C. Lalthanmawia, Vice President-ah Pu R. Lalramchhana, General Secretary-ah Pu Hrangsailoa, Secretary-ah Pu CVL. Chhanhima, Tresurer-ah Pu Zoramchhuana leh Finance Secretary-ah Pu Kapliana te an thlang a ni.