Mizoram Ministerial Service Association Assistant Unit General Conference chu vawiin khan Lal Thanhawla Auditorium-ah neih a ni. He Conference hi an Association President, Pu T. Ronghinglova’n a kaihruai a, hetah hian Conference hmasa leh tun Conference inkara an member thi mi 2 an sun bakah ralna thilpek a chhungte hnenah an hlan a, an member zinga mi 32 superannuation pension-a chhuak turte an thlah nghal bawk a ni. He Conference-ah hian resolution 5 pass a ni a, chung zingah chuan an designation, ‘Assistant’ tih chu Assistant Section Officer tia thlak tura sorkar an ngen thu te, promotion-a Superintendent an kai theihna tur quota tam zawk siam rawtna te, kum 2016 January ni 1 atanga Central sorkar hnathawkten 7th Pay an hman tawh chu Mizoram sorkar hnathawkte pawh hman tir vat tura sorkar an phut thu te leh an grade pay tuna Rs.4,400/- ni lai chu Rs.4,600/-a tihsan an phut thu te a tel a ni.
