Mizoram Amateur Taekwondo Association buatsaih 14th Mizoram Open Taekwondo Championship chu vawiin khan Electric Veng Indoor stadium ah zawh fel a ni a, ATA Electric Veng hian point 760 hmuin Kyorugi inelnaah Team champion an ni a. Exodus English School in point 360 hmuin Poomsae inelna huangah Team Champion an ni thung.
Mizoram Open Kyorugi Team Champion hian gold 4 silver 4 bronze 4 lain point 760 an hmu a. Point 620 hmutu Armed Veng South Taekwondo Club te chu Runner up an ni a, Point 540 hmutu SAI, Aizawl chu Best Fighting Spirit Team-ah thlan an ni a, Chawnpui Taekwondo Club in point 440 hmuin Most Promising Team ah thlan an ni a, SAI Lunglei te chu Best Discipline Team trophy hlan an ni.
Championship Kharna inkhawm hi MATA Senior Vice President Vanlalsawman a kaihruai a, MATA Senior Adviser Dr.Lalbiakmawia Ngente in tournament hi a khar a ni.
