MPF hruaitute hian vawiin khan Aizawl Press Club-ah thuthar thehdarhtute an kawm a, nikum kum tawpa Assembly inthlanpui muanawm leh felfai taka zawhfel theih a ni chu mipuite nen thawhhona \ha an neih vang a ni tih an sawi a, hetianga muanawm leh felfaia inthlanna buatsaih theih a ni hi State dang a\ang pawhin an rawn zirchiang hial tih an sawi. MPF hruittute chuan Political Party te chu an campaign-na-ah \awngkam \ha lo leh thianghlim lo hmanga in bei lo tura an duhthu an sawi a, sum thianghlim lo a thlawna dawn tum lo turin mipuite an ngen tih sawiin nikuma Assembly inthlan dawna Political Party te nen thawhhona thuthlung an ziah chu a la ding reng a ni an ti.
MPF hruaitute chuan, vote thlak tur leh hawna tur ngaihtuahsak leh vote thlakni-a vote thlak tura inphurhkhawm chu dan phal loh a nih avangin ti lo turin Political party tin te an ngen a, Vote hralh leh lei lo tur te, mipui vantlang tana ruai \heh lo tur te leh Social media hmanga dik lo taka thu thehdarh lo tur te leh zu leh ruihhlo dang hmanga vote zawn chu ECI dan kalh a nih anga ti lo turte in Political party tin te an ngen a, vote nei zawng zawng te chu vote thlak \heuh turin an sawm a ni.
