A hawnna inkhawm hi MPF President, Rev. R. Lalhmingthanga’n a kaihruai a, General Secretary, Rev. R. Lalnuntluanga’n an pawl hmalakna hrang hrang a sawi a, Finance Secretary, Pu Vanlaltluanga an sum dinhmun sawiin, Treasurer Pi lalengkimi’n kum 2020-21 chhunga an Budget Rs. nuai 11 leh sing 4 a pharh a ni.
MPF hian nikum November ni 28-a State Assembly inthlanpui leh kumin April ni 11-a Lok Sabha inthlanpui tluang taka neih a ni chu lawmawm an tih thu an sawi a. Heng inthlanpui pahnihah hian District, Constituency leh Local Forum MPF ten an huam chhungah \heuh taima taka an Duty avangin inthlanna fel, thianghlim leh zalen taka ram pumah neih thei nia an hriat thu leh lawmawm an tih thu an sawi a ni.
Chawhnu lam chu an pawl Adviser, Pu Vanlalrema Vantawl-in a kaihruai a, Pachhunga University College-a Asst. Prof., Pu H. Laldinmawia’n “Sorkar \ha – mipui chanvo leh tha tihchak’ tih Paper a buatsaih an zir ho a ni.
