Mizoram Peoples Conference (MPC) party-in tun thla ni 9 a, Hachhek constituency a MPC party block leh unit hruaitute ZPM in an party-a an lawmlut anga sawi chu thu belhchian dawl lo a ni an ti.

0
352
views

Vawiina an pawl pisaa thuthar thehdarhtute an kawmnaah MPC General Secretary Pu VL |hazova chuan, kum 2002-2004 hnulamah an party in Hachhek bialah-ah block leh unit an neih mumal tawh loh thu a sawi a, hetihlaia MPC party block president a inchhalin ZPM party zawm ta anga tarlan chu thudik lo leh phuahchawp a ni a ti a, president lem siamchawp ruala hruaitu dang ZPM a lut telve anga tarlante pawh thu dik lo a ni a ti. Pu VL |hazova chuan, MPC party block leh unit hruaitu anga lehkha an siam chu a finfiahna an neih vek tih a sawi a, seal an hman leh hming ziak te chu a lem nia sawiin, anmahni hriatpui lova hming ziahsak te an awm a ni a ti a, Hachhek constituency-ah an party tana rinawm engemawzat anla awm tih a sawi.

Pu VL |hazova chuan, ZPM chu thu belhchian dawl lo hmanga thu chhuahah a puh a, MPC party chhiatna zawnga hmala tawh lo tur te, MPC party Policy zuara hmala tawh lo turtein an duh tih a sawi a, mahni party policy pawh zuar loa MPC party policy lo zawrh ringawt chu a puitlin loh thlak hleah an ngai tih a sawi.